سياسة الخصوصية

البيانات اللي بنجمعها

بيانات الحساب: الاسم، تاريخ الميلاد (عشان يظهر السن)، الإيميل، رقم الموبايل، النوع، الدولة والمدينة، وكلمة المرور (بتتخزن مشفرة).
البروفايل والمحتوى: الصور، النبذة، لينكات الـPortfolio والفيديوهات المرفوعة، حسابات السوشيال وعدد المتابعين، الأسعار، المنشورات والتعليقات.
النشاط: الرسائل والمرفقات، العروض، التعاونات، التسليمات، التقييمات، زيارات البروفايل، وسجلات تقنية (عنوان IP والجهاز).
التوثيق: للعلامة الزرقاء صورة إثبات الشخصية (بطاقة، باسبور أو أي مستند رسمي) وسيلفي مباشر من الكاميرا، وللبراندات مستندات البيزنس — بيشوفها فريق الإدارة بس، وبتُستخدم للتوثيق بس، وبتتمسح فورًا بعد المراجعة.
الدخول بجوجل أو فيسبوك (اختياري): لو كمّلت بجوجل أو فيسبوك بناخد منهم اسمك وإيميلك وصورتك ورقم تعريف الحساب بس. عمرنا ما بناخد كلمة المرور ولا بننشر حاجة باسمك.
الإشعارات على جهازك (اختياري): لو فعّلت إشعارات الموبايل أو المتصفح، المتصفح بيدّينا عنوان توصيل ومفاتيح تشفير للجهاز ده. بنحتفظ بيهم مع نوع الجهاز عشان نبعتلك الإشعارات بس، لحد ما توقفها أو تسجّل خروج من الجهاز ده أو تحذف حسابك. محتوى الإشعار بيتشفّر على السيرفر بتاعنا قبل ما يتبعت.

بنستخدمها في إيه

تشغيل الخدمة (البروفايلات، البحث، الرسائل، التعاونات، التقييمات)، إرسال إيميلات الخدمة (الأكواد، الرسائل، العروض، التحديثات)، حماية المنصة (منع النصب والمراجعة)، وتحسين التجربة.

إيه اللي بيظهر للعامة

بروفايلك العام (الاسم، الصورة، النبذة، المكان، السن، الـPortfolio، الأسعار، حسابات السوشيال، التقييمات). إيميلك ورقم موبايلك وتاريخ ميلادك وبيانات التوثيق عمرها ما بتظهر للعامة.

مشاركة البيانات

مش بنبيع بياناتك. بنشاركها بس مع مقدمي الخدمات اللازمين لتشغيل المنصة (الاستضافة وإرسال الإيميلات)، أو لما إنت تختار تشاركها مع مستخدمين تانيين (زي الرسائل)، أو لو القانون طلب ده.
التواصل بالواتساب: البراندات اللي فريق المنصة فعّلهم للتواصل بالواتساب، لما يقبلوك في حملة قدّمت عليها، يقدروا يفتحوا معاك محادثة واتساب على رقم الموبايل اللي في حسابك. والبراند ده كمان يقدر يبعتلك رقم الواتساب بتاعه في الشات. رقمك عمره ما بيظهر في أي صفحة.

الكوكيز وقياس الإعلانات

بنستخدم كوكيز أساسية لتسجيل الدخول و"خليني مسجّل" واللغة. لو صاحب المنصة فعّل بيكسلات إحصائيات أو إعلانات (Meta أو Google أو TikTok) ممكن تحط الكوكيز بتاعتها في الصفحات العامة.
عشان نقيس إعلاناتنا ونحسّنها، لما تعمل حساب أو تقدّم على حملة أو تنشر حملة ممكن نبلّغ المنصات دي بالخطوة دي (ومنها من السيرفر بتاعنا) ومعاها بيانات مشفّرة — إيميلك ورقمك ورقم عضويتك ودولتك واسمك بتتشفّر تشفير لا يمكن فكّه (SHA-256) قبل ما تخرج من سيرفراتنا — بالإضافة لعنوان الـIP ونوع المتصفح. عمرنا ما بنشارك كلمة المرور أو الرسائل. تقدر تقلّل تتبّع الإعلانات من إعدادات حسابك على Meta أو Google.

الاحتفاظ والحذف

تقدر تعدّل بياناتك من الإعدادات وتحذف حسابك نهائيًا في أي وقت (الإعدادات ← الحساب). حذف الحساب بيمسح بروفايلك وأعمالك ورسائلك ومنشوراتك. التعليمات كاملة: https://ugc-arabia.com/data-deletion.

الأمان

كلمات المرور متشفرة، والملفات الخاصة (مرفقات الرسائل والتسليمات وصور التوثيق) متخزنة خارج مجلد الموقع العام وبتتعرض بس للمصرّح لهم.

التواصل

لأي سؤال أو طلب بخصوص الخصوصية: info@ugc-arabia.com.